ايه هو التصميم؟
التصميم البصري (الجرافيكي) هو ترتيب وتوظيف للعناصر البصرية زي الصور والنصوص والفراغ، بحيث تكون معنى ورسالة يفهمها المشاهد.
ايه الهدف من التصميم؟
توصيل رسالة بصرية والرسالة فيها طرفين، المُرسل (المصمم) والمستقبل (المشاهد) وبتحتاج وسط أو وسيلة توصيل (زي البوستر، البيزنس كارد، التعليب والتغليف).
ودا يخلي التصميم يختلف عن الرسم الفني وإن اشتركوا في بعض من العناصر، لأن الرسم تعبير عن ذات وحالة الرسام، بينما التصميم رسالة واضحة المعنى موجهة للمشاهد.
عملية التصميم بننفذها باستخدام أدوات زي الفوتوشوب، وعناصر بصرية زي الألوان والصور والنصوص، وأسس وقواعد زي التسلسل البصري والتباين والتكرار، إلخ.
أبدأ من فين؟
البداية الأفضل والأسرع بتكون من خلال منهج، سواء كورس أو كتاب؛ أي شيء ليه فهرس وبيربط أو بيبني على بعضه.
لكن الأسهل وغالبً الأمتع بيكون المقالات والفيديوهات القصيرة، ودي مفيدة لكن بتاخد وقت أطول ومجهود أكبر عشان تكون تصور كامل وبناء سليم.
الكورسات والكتب مش بالضرورة تجمع بين
- الأداة/البرنامج (الفوتوشوب)
- شرح العناصر البصرية وتفاصيلها
- الأسس والقواعد المستخدمة في التصميم
بعد التوضيح البسيط دا، ممكن نبدأ في الترشيحات لمصادر التعلم المناسبة لمبتدأ.
المصادر هتكون كورسات أو كتب باللغة العربية أو الإنجليزية.
ترشيحات لـ الأسس والقواعد المستخدمة في التصميم بالعربية والانجليزية.
شوية ملاحظات أظن انها مهمة:
- في كتب وكورسات مشروح فيها عناصر التصميم مع القواعد ودا شيء كويس مفهوش مشكلة.
- مش لازم تكون متمكن من أداة/برنامج تصميم عشان تدرس القواعد وتفهمها
- اختار مصدر واحد وحدد عدد دقائق معين في وقت معين ف اليوم (من الساعة 8 للساعة 9 مثلًا) والتزم بالمصدر دا فقط لحد لما تخلصه، دا هيساعدك تركز ويقلل التشتت وانه يكون مستمر وقليل هيساعدك تداوم وتفهم الشرح بدل تكديسه في يوم واحد.
- بعد ما تخلص مصدر ما توقفش، مفيش حد بيكبر على القواعد .. أبدًا.
- كسر القواعد ليه وقته وليه ظروفه، لو شكيت في وقت ما وانت شغال على تصميم معين " هل التزم بالقاعدة دي التزم ولا اكسرها" التزم بيها، دا غالبًا الخيار الأسلم (الآمن)
بالانجليزية:
- The Fundamentals of Graphic Design - Gavin Ambrose
- Graphic Design School: The Principles and Practice of Graphic Design - David Dabner, Sandra Stewart, Abbie Vickress
- The Language of Graphic Design - Richard Poullin
الخطوة الثانية هنتكلم فيها عن العناصر المستخدمة في التصميم الجرافيكي.
ودي تشمل:
- اللون
- الفراغ
- النقطة
- الخط
- النصوص
- الملمس
- الضوء والظل
- الأشكال (هندسية، طبيعية، ومجردة)
- الصور (مُصورة أو مرسومة)
- الرموز (تصويرية أو معنوية)
تكرار لشوية ملاحظات أظن أنها مهمة:
- في كتب وكورسات مشروح فيها عناصر التصميم مع القواعد ودا شيء كويس مفهوش مشكلة.
- مش لازم تكون متمكن من أداة/برنامج تصميم عشان تدرس القواعد وتفهمها
- اختار مصدر واحد وحدد عدد دقائق معين في وقت معين ف اليوم (من الساعة 8 للساعة 9 مثلًا) والتزم بالمصدر دا فقط لحد لما تخلصه، دا هيساعدك تركز ويقلل التشتت وإنه يكون مستمر وقليل هيساعدك تداوم وتفهم الشرح بدل تكديسه في يوم واحد.
- بعد ما تخلص مصدر ما توقفش، مفيش حد بيكبر على التعلم والأسس .. أبدًا.
- كسر القواعد ليه وقته وليه ظروفه، لو شكيت في وقت ما وأنت شغال على تصميم معين "هل التزم بالقاعدة دي التزم ولا اكسرها" التزم بيها، دا غالبًا الخيار الأسلم (الآمن)
بالانجليزية:
- Introduction to Imagemaking - CalArts
- Introduction to Typography - CalArts
- The Basic Elements of Design | FREE COURSE
- Beginners guide to Graphic Design | 45 Episode FREE Series
تعليقات
إرسال تعليق