قبل ما تقرر تروح تجمع أو تستلم الجهاز، متنساش الأدوات المهمة دي. يوم ما تروح تستلم جهازك، ما تروحش كده وخلاص.
كل قطعة ليها اختبار بسيط وضروري عشان تتأكد إنها تمام ✅
🔍 أول حاجة: افحص القطع كويس
- تأكد إن القطع راكبة صح
- الشكل العام تمام ومفيش خدوش أو آثار صيانة
- كل وظيفة شغالة
- جرب الجهاز بنفسك قبل ما تستلمه
🧠 1- المعالج (CPU):
- برنامج Cinebench R23: لاختبار قوة البروسيسور وقت الضغط ومراقبة الحرارة (لو عدت 85° بدون ضغط جامد، في مشكلة).
- برنامج CPU-Z: لمراجعة الموديل، الكاش، وعدد الأنوية.
🎮 2- كرت الشاشة (GPU):
- GPU-Z: بيعرض نوع الكرت، المواصفات، وحجمه – وكمان يكشف لو الكرت Fake.
- Furmark أو Heaven Benchmark: لاختبار الأداء والحرارة.
- ❗ لو فيه لاج، خطوط، أو شاشة زرقا (Blue Screen)، الكرت غالبًا فيه مشكلة.
🧠 3- الرامات (RAM):
- MemTest86: يعمل اختبار سريع للرامات.
- CPU-Z: شوف التردد، وهل شغالة Dual Channel ولا لأ.
💾 4- الهارد (SSD / HDD):
- CrystalDiskInfo: يشوف حالة الهارد وصحته.
- CrystalDiskMark: يقيس سرعة القراءة والكتابة.
🧩 5- الماذربورد (Motherboard):
- شوف الـ Chipset باستخدام CPU-Z و HWInfo.
- جرّب كل المداخل (صوت – USB – واي فاي).
- ادخل على BIOS وشوف النسخة، ولو قديمة حدّثها.
⚡ 6- الباور سبلاي (PSU):
- OCCT Power Test + HWMonitor: راقب الفولتات تحت الضغط.
- ❗ لو الفولتات نزلت جامد، يبقى الباور مش كويس.
- تأكد من الشهادة، صوت المراوح، وجودة التصنيع.
🖥️ 7- الشاشة (Monitor):
- Monitor Test Utility: بيعمل اختبار شامل (ألوان – Dead Pixels – التدرجات).
- شغّل فيديو 4K وشوف جودة الصورة.
💡 نصيحة أخيرة:
- خليك دايمًا محتفظ بـ العلب الأصلية والفاتورة.
- متستلمش الجهاز من غير ما تجربه بنفسك – ده حقك.
